John Bocco aipa nguvu Simba

Nahodha wa Simba, John Bocco yupo fiti kuwavaa wapinzani wa timu ya Alliance, baada ya kukamilisha adhabu ya kadi nyekundu aliyopata katika mchezo dhidi ya Mwadui. 

Bocco alikosa mechi tatu kwa ambazo Simba walicheza ikiwa ni pamoja na Yanga, African Lyon Stand United, Simba walifanikiwa kushinda michezo miwili na kutoa sare dhidi ya Yanga. 

Kocha Mkuu Patrick Aussems amesema kurejea kwa Bocco kunazidi kuongeza nguvu ya ushindani kwa kuwa ni mchezaji mwenye uwezo wa kubadilisha matokeo na kuongoza akiwa uwanjani. 

"Ni mchezaji mzuri ambaye ana kipaji akiwa ndani ya uwanja na nje kwa kuwaongoza wachezaji wenzake hivyo kurejea kwake kunaongeza nguvu ndani ya kikosi katika kutafuta ushindi" alisema. 

Simba wamecheza michezo nane wameshinda mitano, wametoa sare michezo miwili na kupoteza mchezo mmoja, kesho watakuwa uwanja wa taifa wakicheza na Alliance.