Mfahamu mwanamziki shaggy kiundani zaidi

Oktoba 22, 1968 alizaliwa msanii wa muziki wa reggae kutoka nchini Jamaica maarufu kwa jina la Shaggy. Jina lake halisi ni Orville Richard Burrell.

Shaggy ni maarufu kupitia vibao vyake "It Wasn't Me", "Boombastic", "In The Summertime", "Oh Carolina", na "Angel". Mbali na kuwa mwanamuziki pia ni DJ na mwigizaji ambaye alianza kuwika mwaka 1992 hadi sasa.

Alizaliwa Kingston, Jamaica. Mwaka 1987 alizama katika masomo ya kuimba na mwaka mmoja baadaye aligundulika kwamba ana uwezo mkubwa wakati akiimba na marafiki zake. Pia Shaggy ana mtoto wake anayefahamika kwa jina la Richard maarufu jukwaani kwa jina la Robb Banks.

Shaggy aliingia nchini Marekani ambako mwaka 1988 alikuwa katika orodha ya vijana watakaojiunga na jeshi la majini.

Pia Shaggy alikuwa miongoni mwa waliokwenda vitani katika Vita ya Ghuba enzi za utawala George Herbert Bush. Jina la Shaggy alianza kulitumia mwaka 1990. Akiwa katika vita hivyo alijitahidi kuendelea kuitunza sauti yake.

Shaggy ameshiriki mara saba katika tuzo za Grammy akishinda mara mbili kupitia Bombastic mwaka 1996 na 44/876 with Sting ya mwaka 2019. Pia ameshinda tuzo ya Brit mwaka 2002.