Wachezaji saba wa Yanga kukosa mechi ya Mbeya City kesho

Kikosi cha Yanga SC kesho kitashuka Dimbani dhidi ya Mbeya City katika mchezo wa Ligi kuu Tanzania bara utakaochezwa saa 10.00 jioni kwenye Uwanja wa Uhuru huku kikiwakosa wachezaji wake saba ambao wote ni wagonjwa. 

Mratibu wa Klabu ya Yanga Hafidhi Salehe amesema kuwa wachezaji hao watakaokosekana ni Beki Vincent Andrew "Dante" anaumwa homa , Beki Said Juma 'Makapu' homa , Mshambuliaji Ibrahim Ajib anaumwa Dengue, Beki Paul Godfrey 'Boxer' homa , Winga Mrisho Ngasa homa Beki Juma Abdul homa pamoja na Kiungo Mohamed Issa 'Banka' homa 

Hafidhi ameongeza kuwa kwa sababu Mabeki wengi hawatakuwa sehemu ya mchezo huo itabidi wawatumie wachezaji wa Yanga B ili kuziba mapengo yaliyopo na wanaamini watafanya vizuri katika mchezo huo. 

Yanga tayari wameukosa ubingwa ligi hiyo baada ya Simba kushinda mechi yao dhidi ya Singida United leo na kutetea ubingwa wao kama Man City,Barca,Juventus,Bayern Munich na PSG.