Aubameyang aweka rekodi ya kipekee Arsenal

Mshambuliaji wa klabu ya Arsenal, Pierre Aubameyang ameweka rekodi ya kipekee baada ya kufikisha mabao 25 haraka katika mechi 37 za Ligi Kuu England. 

Nyota huyo wa timu ya Taifa ya Gabon amewapiku wachezaji wengine wakali waliowahi kutesa ndani ya Arsenal kufikisha mabao hayo. 

Thiery Henry alifikisha mabao 25 baada ya kucheza michezo 42, Emmanuel Adebayor alifanya hivyo baada ya mechi 62. 
Alexis Sanchez yeye ilimchukua mechi 59 kupata idadi ya mabao hayo na Ian Wright alipiga mabao 25 baada ya mechi 51. 

Moto huo unamfanya Aubameyang kuwa katika vita ya kuwania ufungaji bora ambapo hadi sasa ana mabao 15 na timu yake inashika nafasi ya nne ikiwa na pointi 47 baada ya kucheza michezo 24